مسا الخير على الجميع وشلونكم عساكم بخير
والله اني احبكم كلكم
<<<<<<< هو فيه اعضاء هع
عندي سالفة ودي اسولف فيها عليكم
هذا ياطويلين العمر وانا اناظر ستار أكاديمي من الفضاوة والا تراني منيب من مشجعيه بس من تالي جاذبني المسبح وانا اناظر البنات يسبحون زليلات الحيا بهالمايوهات تخيلت عاد لو اني معهم وتخيلت انه مدربهم ذاك ابو العضلات يعلمني على السباحة ويرمي فيني في المسبح علشان اتعلم لحالي (تسمع بالسباحة) وانا اقول لا مابغى مابغى ويرجع يرمي وانا اقول مابغى مابغى حومة السبد ياشيخة <<تعرفون اني مرره اعرف اسبح <بالحيل هع
ميب هنا القوصة
القصة ماعرفت وش المايوه اللي يلوقن لي مدري الاخضر الفسنفوري والا الفوشي الللي ماهوب فسفوري مدري اخذ شورت والا قطعة والا قطعتين والا يمدحون البجامة
طبعا وانا اتخيل ويا نفسي ماقطع حبل أفكاري الا امي يوم تنط وتقول هاه يا مفحـطـه وش تهوجسين به
قلت بالمايوه
قالت امي اها بس ماعندنا بنات يتفصخن تبين تروحين البسي بجامتن فوقها قميص طويل وقضينا
(تخيلاتي وانا في الصف )
تعجبني الجلسة العائلية الاسبوعية اللي تسويها رولا سعد ويا الطلاب ثم تقولهم فضفضوا مافي ئلوبكم
واحكوا لي عن أسرار مخبينها
عاد بطلع انا واجلس على المسرح وابدا اسولف ثم تغورق عيوني
بقولها من المواقف اللي مأثرة فيني لحد هلا<<< وشرايكم باللبناني
اني بنت حالي حال البنات تحب تحلم وتتزوج لكن منيب احب أعرس بالطريقة العادية
احب الشخص اللي بتزوجه اني اشوفه واتعرف عليه عن طريق الصدفة يايصدم فيني
او يعثرن في رجلي او يتكرفس في كراعيني <<< ماغدا رجال ذا اغديه ثور
لين جا ذاك اليوم اللي نادتني اميمتي فيه
امي : يامفحطه
رافعة : نعم يما
امي : ودي هالصحن الجريش لبيت الجيران ام حصيصة جارتنا تحب الجريش
رافعة :قووه يما
وطبعا في ذاك اليوم كنت كاشختن كشخة ميب طبيعية مشالله الشراب لون ولون والشوشة طايرة والثوب كاروهات الله يخلف يعني انواع القرونة
الاهذيك السيارة اللي تصدمني في الطريق وتقلبني في الشارع تسني كورة
وينزل راعي السيارة يركض لي
انا قلت بسس جا في اللي في البااااااااااااااال ونسيت الالم ولاعاد اني حسيت لانه كان ماسك مكان الوجع وبنفس الوقت شالني ووصلني البيت
ورحنا لم المستشفى وغديت كني حصان <<< تحسونها تسرع بالاحداث خخخ
وصار يتصل يتطمن علي
وصرت احتري جيته لمنا لاني حسيت انه بعيونه كلام
صرت احتريه يجي ويكمل فرحتي ويخطبني وتتحقق أمنيتي
وتمر الايام والايام ولا احد جا وانا في الانتظااااااار
لين جا ذاك اليوم وكان اخوي يسولف بالتليفون واسمعه يقول حمدالله زينة لا حمدالله احسن بواجد
خفق قلبي مرة ثانية قلت بس جا
يوم يقضي اخوي واروح لمه اتميلح
هاه وش كان يبي منك راعي السيارة
قام رد علي وهو ميتن من الضحك يقول يسلم عليتس يقول شلون شغالتكم عساها غدت زينة من عقب الحادث
وضحكت علي رولا سعد وضحكو اللي بالاكاديمية وقالوا تعيشين وتحبين غيره
قلت معصي
وسلامتكم الله من زين السالوفة
اللي عجبته السالوفة حياه الله واللي ماعجبته السالوفة قهوته علي
تحياتي:
مفحطه بعربيات بنده
الثلاثاء فبراير 26, 2008 2:36 pm
